البلاهة في اﻹنبساط

النهاردة حسيت ان أنا بلهاء،، مش عشان أي حاجة لا سمح الله ،،،، واﻹحساس دا مش متأصل جوايا يعني، خالص.
 دا مجرد إحساس حسيته في عيون الناس النهاردة وأنا ماشية في الشارع ،، مهو أكمني كنت ماشية بضحك ،، الناس تقريبا كدة افتكرتني هبلة او مجنونة !! ،،، وأنا من ناحيتي ماحاولتش أصلح النظرة دي خالص ،، بالعكس كل ما أِشوف حد بيبصلي كدة بضحك اكتر !!
أما بقي عن كوني كنت بضحك هو مش ضحك ضحك يعني بالظبط ،، الموضوع وما فيه اني صحيت النهاردة وعلى غير العادة لاقتني مبسوطة ووشي بيضحك ،،، سبب دا أيه الله أعلم ،،، يعني مفيش سبب مؤكد بس ممكن
أكون حلمت حلم حلو .. أو حد بحبه جالي في المنام .. أو أن حد قالي كلام حلو ... أو أني وانا في معاميق  معاميق النوم سمعت كروان جميل بيسبح ربه .. أو يمكن صحيت على زقزقة عصفور بيتنطط من شجرة لشجرة ومن فرع لفرع .. يمكن صحيت على دعوة حلوة من أمي .. أو صحيت على وش حلو وضحكة طفل صغير بتشرح القلب ... أو لاقيت السما منورة وبتقولي ابتهجي ... أو يمكن عشان ﻷول مرة احس بالدفا !! مش عارفة ومش مهم ،، المهم أني مبسوطة حتي البلاهة :)) 

                      

وقالت ضحي

وفي الكوليزوم ونحن نخطو بحذر فوق تلك الأحجار البنية العتيقة، قالت ضحي :

احترس فنحن نخطو الان فوق بحر من دماء الشهداء.

ثم استدركت وهي تضحك : ودماء الجلادين أيضا والوحوش المفترسة من كل نوع.

قلت مازحا : ولكن لا تنزعجي كثيرا. قرأت مرة أن أكثر المتحمسين من جمهور المتفرجين على تلك المجازر الرومانية كن من النساء .. فقالت لا يدهشني هذا.  لا يدهشني أن تتشفى النساء فى الرجال وهم يسقطون تحت الوحوش والسيوف. بعد كل ذلك الاستعباد والقهر.

بحب ضحي .. بحب الفقرة دي من الرواية .. بحب الرواية كلها على بعضها ... وبحب بهاء طاهر جدا جدا عشان صنع الفقرة دي وعشان صنع قالت ضحي.