أفكار طايرة

احيانا بفكر أنو مش بردو يبقي حلو لو كان الانسان، أي انسان عارف ايه اللى مستنيه في مستقبله القريب أو البعيد، يعني اللى القدر مخبيه له، على اساس يعني ياخد استعداداته للموقف اللى هيتحط فيه دا، أو ع الاقل يتجنب ما يمكن تجنبه لو الموقف دا هيوقعه في مشاكل، لكن الغريب بردو في نفس الوقت وأكمن الانسان مش بيعجبه العجب ولا الصيام في رجب، بفكر أنه طب ولو عرفت مش دا  ممكن يصيبني باحباط ، يخليني اخاف اواجه القدر أو الموقف اللى مستنيني دا ، أو لما اشوف كم الاهوال مثلاً اللى هتقابلني في طريقي احس ان انا مش قدها وافقد الرغبة في الحياة ويمكن انتحر، الفكرة ان اانا لو عارفة اني بكرة هعمل حادثة مش هنزل من البيت من الرعب، لكن لو نزلت من البيت وعملت حتى الحادثة اللى لو كنت عرفت اني هعملها ماكنتش نزلت ، في الأغلب دا هيعلمني حاجة ، على الأقل خلاص لو عرفت اواجه الموقف هخرج منه أقوي لكن لو مت ، يبقي خلاص مت ومش محتاجة أقلق تاني من القدر أو المصاير المرعبة اللى انا خايفة انها تقابلني. هووووووووف الفكرة اكبر مني ، هفكر فيها تاني واجاي اكمل رغي فيها بعدين.